Navenda Ragihandin û Çapemeniyê ya HPG’ê têkildarî çalakiyên gerîla û êrîşên dewleta tirk a dagirker daxuyanî da û ev agahî parve kir:
“22’ê cotmehê serê sibehê li qada Girê Qertel a herêma Avaşînê artêşa tirk a ku operasyon dayî destpêkirin ketiye ber hedefa hêzên me. Li vê qadê di navbera hêzên me û artêşa tirk a dagirker de şerê giran didome. Agahiyên berfireh piştre wê werin parvekirin.
Ji 19’ê cotmehê saet 18:00’an heta 21’ê cotmehê qadên Stûnê û Qertel ên herêma Avaşînê bi obûsan hatiye bombekirin. 20’ê cotmehê saet 18:00’an artêşa tirk a dagirker Qada Berxwedanê ya Werxelê bi teqemeniyan bombe kiriye.
20’ê cotmehê saet 20:10’an Girê Berbizinan a Goşînê ya herêma Xakurkê bi balafirên şer hatiye bombekirin.
21’ê cotmehê saet di navbera 18:20-21:00’an de qadên Werxelê, Girê Qertel û Girê Lanet ê herêma Avaşînê bi balafirên şer, obus û hawanên qereqolên ser sînor hatine bombekirin.
21’ê cotmehê saet 22:50’î qada Kafya ya herêma Garê bi balafirên şer hatiye bombekirin.
20 û 21’ê cotmehê êvarkî Girê Şehîd Fedakar a bi ser qada Sîda ya herêma Zapê ve û qadên Çemço bi obûs û hawanên qereqolên ser sînor hatine bombekirin. Heman saetê tevgera helîkoptêran jî çêbûye.
22’ê cotmehê saet 09:30’an qada Girê Lanet a herêma Avaşînê bi balafirên şer hatiye bombekirin.” BEHDÎNAN
