Operasyona ku dewleta tirk a dagirker 11’ê kanûnê li Çiyayê Bagokê ya li navçeya Nisêbînê ya Mêrdînê dayî destpêkirin, didome.
Diyar bû ku tîmên taybet û cenderme li hin cihên herêma bejahî bi cih bûne û bi rojan e li herêmê tevgera helîkoptêran heye.
Hat ragihandin ku 12’ê kanûnê balafirên şer ên dewleta tirk derdora goristana gerîlayên HPG-YJA Starê bombe kiriye. Her wiha hat gotin ku qada di navbera gundê Marînê û Xirbê Xelo de jî hatiye bombekirin.
Jêderên xwecih gotin ku kepçeyek şandine herêma ku tevgera leşkerî lê didome û bi kepçeyê Şikefta Silo ev 2 roj in tê kolandin. MÊRDÎN
