Hêzên rejîma Îranê li bajarê Bane yê rojhilatê Kurdistanê li nuqteyeke leşkerî wesayîtek a sivîlan gulebaran kirin. Di encamê de ciwanek 30 salî jiyana xwe ji dest da
Li gorî, nûçeyeke Kolbernewsê, duh li bajarê Bane ya ser bi parêzgeha Sine ya rojhilatê Kurdistanê ciwanek di encama êrîşeke hêzên rejîma Îranê de hate kuştin.
Li gorî heman çavkaniyê, hêzên Îranê duh li nuqteya leşkerî ya Zirwa ya Bane wesayîtek a sivîlan gulebaran kir. Di di encamê de şofêrê wesayîtê yê 30 salî yê bi navê Kameran Rihîmî yê ji gundê Seîd Resan jiyana xwe ji dest da.
Heta niha nayê zanin ji ber çi sedemê ev ciwan hatiye kuştin. BANE
