Înîsiyatîfa Navneteweyî ya Ji Bo Kurdan Edalet ji bo derxistina PKK’ê ji lîsteya ‘Rêxistinên Terorîst’ li seranserê welatên Ewropayê kampanyaya îmzeyan ku berhevkirina 4 milyon îmze daye ber xwe, ragihandibû. Kampanya bi pêşengiya Hezar rewşenbîr, akademîsyen, siyasetmedar, zanyar, hunermend, aktîvîstên sosyalîst hatibû destpêkirin û berdewam dike.
Bi vê çarçoveyê de kampanya saet 11:00’an li salona Xak a Silêmaniyê bi tevlibûna bi dehan rewşenbîr, siyasetmedar, hunemend û kesayetên Başûr bi dirûşma ‘Dem dema Azadiyê ye, Kampanyaya Înîsiyatîfa Naneteweyî: Ji bo Kurdan Edalet, Daxwaza Lezgîn Dikin ku PKK ji Lîsteya Terorê bê derxistin’ hat ragihandin.
Piştî amadebûna hunermend, rewşenbîr, siyasetmedar û kesayetên naskirî yên başûrê Kurdistanê çalaki destpê kir.
Destpêkê siyasetmedar Ferhat Sengawî li ser Rêberê Gelê Kurd û PKK’ê helbestek xwend û piştre ji komîteya amadekar siyasetmedar Mihemed Emîn Pênciwênî li ser kampanyayê axivî.
Penciwênî anî ziman di lîsteya terorê de bicihkirina PKK’ê biryareke siyasî ye û li ser daxwaza dewleta tirk hatiye girtin.
Siyasetmedar Emîn Pênciwênî ragihand Tirkiye û hêzên dagirker ji bo kurdan tune bikin bi komployekê ya 15’ê Sibata 1999’an a Rêberê Gelê Kurd Abdullah Ocalan girtin û PKK’ê xistin lîsteya terorê û wiha got: “Bi vê çarçoveyê de Serok Apo dîl girtin. Ji bo kurdan jî qir bikin û êrîşên xwe yên terorî li bakurê Kurdistan bidin rewakirin jî PKK xistin lîsteya terorê.”
Penciwênî li ser derxistina PKK’ê ji lîsteya terorê jî ev tişt anî ziman: “Derxistina PKK’ê ji lîsteya terorê tê wateya, rewabûna doza kurd. Naskirina kurdan a li cîhanê. Heman demê dibe deriyek bo kurd siyasî di serî de li bakurê Kurdistan, Ewropa û cîhanê.”
Pênciwênî herî dawî ragihand ku li başûrê Kurdistanê jî bi ragihandina vê kampanyayê piştevaniya xwe ya ji bo kampanyaya derxistina PKK’ê ji lîsteya terorê nîşan didin û daxwaz ji her kesê kir ku piştevaniya vê kampanyayê bike û îmzeya xwe dane binê vê kampanyê.
Piştre komîteya kampanyayê xwe da nasîn û li ser kampanyayê axivîn.
Herî dawî jî beşdarvanên li salonê mafê axaftinê girtin û ragihand ku divê demildest PKK ji lîsteya terorê bê derxistin. SILÊMANÎ
