Ji ber bahoza Îdaî ya li Zimbabwe û Mozambîk ên Başûrê Afrîkayê bi kêmanî 356 kes mirin
Ji ber bahoza Îdaî ya li Zimbabwe û Mozambîk ên Başûrê Afrîkayê bi kêmanî 356 kes mirin, bi sed hezaran kes jî ji ber bahozê bibandor bûn.
Wezîrê Derdorparêz ê Mozambîk Celso Correîa yê ji AFP’ê re axivî, ragihand ku pêwîstiya 15 hezar kesan bi alîkariya lezgîn heye û got ku gelek kes li ser banan asê mane.”
Yek ji bajarê herî zêde bandor bûye Beîra ye. Wezîr Correîa ji bo 15 hezar kesan da zanîn ku dijîn lê pêwîstiya bi lezgîn a derxistinê heye, divê bil ez bên rizgarkirin û got ku her kêlî girîng e.
Li gorî bîlançoya fermî ya bahoza Îdaî ya hefteya borî li Mozambîk û piştre li Zîmbabwe dabû, bi kêmanî 356 kes mirine.
217 kes li Mozambîk, 139 kes jî li Zîmbabwe mirine. Veşartina cenazeyan li her du welatan dewam dike.
Serokkomarê Mozambîk Fîlîpe Nyûsî di serê hefteyê de ragihandinbû ku dibe hejmara miriyan bigihêje hezar kesî.
