Di navbera şervanên HSD’ê û çeteyên DAIŞ’ê de li Baxozê şerekî dijwar rû dide. Berpirsyarê ragihandinê yê HSD’ê Mustefa Balî got ku hêzên wan 6 noqteyên weke baregeh ji çeteyên DAIŞ’ê rizgar kirine
Li Baxozê di navbera şervanên QSD`ê û çeteyên DAIŞ`ê şerên dijwar rû didin. Şervanên QSD`ê pêş de diçin, herî dawî 6 nuqteyên ku di destê çeteyên DAIŞ’ê de girtin.
Qonaxa Şerê Tunekirina Terorê ya Pengava Bagera Cizîrê ku şervanên Hêzên Sûriyeya Demokratîk (HSD) ji bo rizgarkirina navçeya Hecîn û gundewarên wê dabû despêkirin, didome. Çeteyên DAIŞ’ê ku li gundê Baxozê di qadekî pir teng de asê mane, kêliyên xwe yên dawî dijîn. Şervanên HSD’ê ev çend roje ji bo ku zirar negihije sivîlan, operayon dabû sekinandin û bênavber sivîlên ku weke mertalên zindî dihatin bikaranîn, rizgar kirin.
Di vê çarçoveyê de zêdetirî 9 hezar sivîl ku gelemperiya wan ji malbatên çeteyan pêk tên, hatin rizgarkirin. Di heman demê de bi sedan çeteyan jî xwe radestî şervanên HSD’ê kir. Piştî ku duh sivîlên dawî jî ji gund derketin, şervanên HSD’ê li dijî çeteyan operasona dawî da destpêkirin.
Têkildarî mijarê Berpirsyarê Navenda Ragihandinê yê HSD’ê Mustefa Balî ji ANHA’yê re axivî û da zanîn ku di navbera hêzên wan û çeteyên DAIŞ’ê de, ji şevê din heta niha şerên dijwar rû didin. Balî got ku şervanên wan pêşde diçin û heta niha 6 nuqteyên ku DAIŞ’ê weke baregeh bi kar di anîn, rizgar kirine. Balî diyar kir ku di encama şerê giran de gelek çete hatine kukştin û 3 şervanên wan jî birîndar bûne.
Şer û pevçûnên giran ên li Baxozê didomin. DÊRAZOR
