Talûkeya jiyana bavê 7 zarokan Servet Tûrgût (55) ê bi Osman Şiban (50) re di 11’ê îlonê de, li navçeya Şaxê ya Wanê ji aliyê leşkerên derketibûn operasyonê ve hatin binçavkirin û piştî 2 rojan derketibû holê li Nexweşxaneya Perwerdê û Lêkolînê ya Herêmê di beşa lênêrîna awarte de ne û dûre bi rapora nexweşxanê ya ji bo wan hatibû dayîn, hatibû piştrastkirin ku ji helîkopterê hatine avêtin, dewam dike.
Bavê 8 zarokan Osman Şiban ê 50 salî jî duh li ser fermana dozger bi darê zorê birin nexweşxaneya leşkerî û ji wir jî sewqî Mêrsînê hat kirin.
Birayê Osman Şîban Cengîz Şîban ê wê rojê şahidiya bûyerê kir, ji Ajansa Mezopotamyayê re axivî.
Cengiz Şîban bal kişand ser roja bûyer qewimî û wiha got: “Servet Tûrgût di nava zeviya xwe de giha kom dikir. Leşkeran ew li wê derê binçav kirin. Min û birayê min Osman Şîban jî çay vedixwar. Leşker ew jî binçav kirin.”
Şiban ê daxuyaniya welatiyê derewand, wiha dewam kir: “Dema ku biçav kirin û li helîkopterê siwar kirin, bi tendurist bûn. Bi awayekê tendurist li helîkopterê sîwar kirin.”
‘Ez li wir bûm’
Şiban di rêze axaftina xwe de ev tişt anî ziman: “Leşkeran dest pê kê Servet Tûrgût binçav kirn û anîn gund. Wê demê jî, li ser canê wî tu şopên lêdanê tune bû. Leşker lûleya çeka xwe xistibû piştî Servet. Osman jî binçav kirin û birin li helîkopterê siwar kirin. Heya li helîkopterê jî siwar kirin bi tiştek li wan nehatibû. Min ev bi çavên xwe dît. Dema birayê min birin ez li wê derê bûm. Piştî 3 rojan me xwe gihand xizmên xwe û em wisa fêr bûn ku di lênêrîna awarte de ne.”
Her wiha bira Cengîz Şîban xwest ku berpirsiyar bên darizandin. WAN
