Li Berlînê bi boneya 21´ê Sibatê Roja Zimanê Dayikê ya Cîhanê sempozyûma ziman tê lidarxistin
21´ê Sibatê Roja Zimanê Dayikê ya Cîhanê, Komeleya Dêûbavên Kurdî (YEKMAL), bi navê “Li Berlînê di jiyana bajêr de pirrengxwazî û mafê pirzimaniyê” sempozyûmekê organîze dike. Di sempozyûmê de xebateke akademîk a elaqedarî kurdên li Berlînê jî wê di sempozyûmê de bê danasîn. Wekî din wê li ser zimanê dayikê û jiyana kurdên li Almanyayê gotar bên pêşkêşkirin.
Sempozyûm li paytexta Almanyayê Berlînê bi rê ve diçe. Di sempozyûmê de encamên anketa bi bêhtirî 500 kurdistanî re wê bê aşkerakirin ku bi şêwirmendiya Prof. Dr. Katharina Brizic û kordînatoriya Şerîf Derînce hatiye kirin.
Piştî vekirina sempozyûmê bi destê koordînatora YEKMAL´ê Gunay Darici û wekîla Komîteya Perwerde, Ciwan û Malabatê ya Eyaleta Berlînê Stefanie Remlinger, piştî nîvrojê Prof. Dr. Katharina Brizic’in wê bi navê “Li ser ziman û jiyana koçeberên li Almanya/Berlînê dijîn, guftûgoyeke têgehî” gotara xwe pêşkêş dike. Heta saet 16:00´an wê mijarên “Destekkirina ziman”, “Xwegihandina Perwerdeyê”, “Cudakarî” û “Beşdarî” atolye û panel dê hebin.
Beşa dawiyê ya sempozyûmê wê bi gotarên li mijara “Di jiyana bajêr de mafê zimanê dayikê û pirrengîxwaziyê” bên pêşkêşkirin.
Kesên dixwazin beşdarî sempozyûmê bibin dikarin bi rêya navnîşana înternetê ya li jêr xwe qeyd bikin: https://goo.gl/forms/jMeJSExv1RYMcyvw1
Navnîşana cihê sempozyûmê: Urbanstrasse 21, 10961 Berlîn. BERLÎN
