HDP’ê ji bo bidawîkirina tecrîdkirina Ocalan û piştgiriya berxwedana grevên birçîbûnê li 4 navçeyên Stenbolê meş li dar xist
Meş û çalakiyên li dijî tecrîdkirina Rêberê Gelê Kurd Abdullah Ocalan û piştgiriya berxwedana grevên birçîbûnê dewam dikin. Li navçeyên Kartal, Gazîosmanpaşa, Başakşehîrê yên Stenbolê meşên girseyî hatin lidarstin û meşa Sûltangaziya Stenbolê ji aliyê polîsan hat astengkirin.
Di çalakiyan de işaret bi grevên birçîbûnê yên li dijî tecrîdkirina Ocalan hate kirin. Hevseroka HDP’a Sûltangaziyê Zubeyde Înce ji polîsên ku li pêşiya meşa wan bûn asteng re wiha got: “Her kesên ku ji bo hûn li pêşiya meşa me bibin asteng ferman dan, wê roj bê ew ê hesabê vê bidin.” Ji ber astengkirina meşê, HDP’î li cihê lê bûn rûniştin û çalakiya rûniştinê pêk anîn. Lê belê polîsan careke din gefa êrîşê li HDP’iyan xwarin. Girseya gel heta demekê çalakiya xwe domand û piştre vegeriya avahiya HDP’ê.” STENBOL
