Mamoste û xwendekarên Cezayîrî ji bo guhertina rejîmê çalaikya Înê ya 20’an lidar xistin.
Mamoste û xwendekar ev 20 hefte ne her roja înê li paytext Cezayîrê dadikevin kolanan û daxwaza guhertina rejîmê dikin.
Meşa vê înê ya ku bi sed hezaran kes tevlê bûn dirûşmên guhertina rejîmê û berdana girtiyên siyasî qîr kirin.
Di çalakiyê de dirûşmên ‘Sîstem bi cehenime’ û ‘Cezayîr a demokratîk û azad’ hate qîrkirin.
Nîvîsên weke ‘Desthilat gel e’, ‘Ji herêmîbûnê re na’,’Ji nîjatperestiyê re na’ û ‘ Ji çapemeniyê re azadî’ yên li ser dowîz û pankartan bal kişand.
Ji ber demê werza geştê û ezmûnan hejmara çalakvanan li gorî hefteya borî hinek din kêmtir bû. Lê xwedekaran destnîşan kirin ku divê di dema werza havînê de navber nedin çalakiyên xwe.
Her wiha piştî çalakiyên protestoyî Abdulazîz Bûteflîka yê ku 20 sale desthilatdare di 2’yê nîsanê de neçar ma ku îstifa bike. Li gel vê îstifayê Gaîd Salih hatibû ser desthilatê. Salih ev bi hefteyane daxwazên tevgerên nerazî red dike.
