Partiya Demokratîk a Gelan (HDP) bi dirûşma ‘Li dijî darbeyê meşa demokrasiyê’ ji Colemêrg û Edîrneyê ber bi Enqereyê ve dimeşe. Di çarçoveya ‘Meşa Demokrasiyê’ de ya HDP’ê ku tê plankirin îro dest pê bike, li Colemêrgê daxuyaniya çapemeniyê û serdana dikandaran ji aliyê polîsên tirk ve hatin astengkirin.
Polîsan dor li avahiya HDP’ê ya bajêr girtin û bajar dorpêç kirin. Ji bo astengiyê jî biryara walîtiyê weke hincet hate nîşandan.
Di heman demê de beriya meşa milê Edîrneyê, polîsan derdora avahiya HDP’ê ya Edîrneyê dorpêç kir. Tevî ku tê xwestin meş were astengkirin jî dê meşa milê Edîrneyê bi beşdariya hevseroka HDP’ê Pervîn Buldan, parlamenter û rêveberên HDP’ê dê saet di 12.00’an de li ber Navenda Danûstandinê ya Sîlîvriyê kom bibin û ewilî biçin Edîrneyê û pişt re ji Edîrneyê ber bi Enqereyê ve derkevin rê. COLEMÊRG
