Li bajarokê herêma El Senar a bajaroka Ebû Hemamê wesayîteke bombebarkirî hate teqandin. Di encamê de dayikek û 3 zarokên hatin qetilkirin û 2 welatî jî birîndar bûn
Îro di danê sibehê de li herêma El Senor a bajarokê Ebû Hemam ê Dêrazorê li ber avahiyekî ku di demên berê de weke noqteya HSD’ê dihat bikaranîn, wesayîteke bombebarkirî hate teqandin. Hat zanîn ku di encama teqînê de dayikek û 2 zarokên xwe û zarokekî din jiyana xwe ji dest dan. Her wiha 2 sivîlên din jî birîndar bûn.
Bi teqînê re tîmên pispor ên girêdayî HSD’ê û Hêzên Ewlekariya Hundirîn berê xwe dan cihê bûyerê. Her wiha tîmên endezyariya mayinan jî dest bi paqijkirina cihê bûyerê kir.
Hêjayî gotinê ye ku dihat payîn ku şêniyan herêmê ji bo şermezarkirina siyaseta hêzên Rûsya û rejîma Sûriyeyê ya li herêmê, li cihê teqînê meşek li dar bixin. DÊRAZOR
