Meclisa Jinan a HDP’ê ya Mêrdînê, di çarçoveya 25’ê Mijdarê Roja Têkoşîna Li Dijî Tundiya li Ser Jinan bi jinan re hatin gel hev
Meclisa Jinan a Partiya Demokrakrîk a Gelan (HDP) ya Mêrdînê, di çarçoveya 25’ê Mijdarê Roja Têkoşîna Li Dijî Tundiya li Ser Jinan bi jinan re li gundê Demîrlî yê navçeya Dêrikê lihev kom bûn. Parlamentera HDP’ê ya Mêrdînê Pero Dundar, Hevşaredara Navçeya Dêrikê Mulkiye Esmes û gelek jin beşdarî hevîtinê bûn.
Di hevdîtina jinan de parlamenter Pero Dundar axivî û ev tişt anî ziman: “Jin tim li dijî bêmafî û zilmê têkoşîn daye. Ji Sakîne Cansizan bigirin, heya Arîn Mîrkanan, jinên kurd tim cihê xwe di têkoşîna azadiya jinan de girtin e. Em li dijî tacîzê, tecawîzê, tundiya zilam û dewletê têkoşîna xwe dewam bikin. Em bi hev re bi hêz in. Divê em têkoşîna xwe ya birêxistinkirî mezintir bikin û dengê xwe bilindtir bikin.”
Meclisa Jinan di hevdîtinê de, kovara karîkaturê ya bi kurdî ‘Zrîng’ û çente diyarî jinan kirin. MÊRDÎN
