Tê gotin ku herî kêm 20 koçberên ji Fasê berê xwe dan Îspanyayê li Derya Spî xeniqîne
Li gorî agahiyên ji yekîneyên ewlekarî û rizgarkirinê yên peravê Îspanyayê hatin wergirtin, keştiya ku nêzî 50 koçber tê de bûn û ji Fasê berê xwe dan Îspanyayê li Derya Spî winda bû.
Hate ragihandin ku keştiyeke bar a ber bi bendergeha Motril a Îspanyayê ve diçû bi keştiya koçberan hesiya û 27 koçberên tê de rizgar kir. Lê belê rayedarên îspanî dibêjin herî kêm 49 koçber di keştiyê de bûn û 20 heta 22 ji wan winda ne.
Li gorî daneyên Rêxistina Koçê ya Navneteweyî ya Neteweyên Yekbûyî, ji 1’ê çileyê û vir ve herî kêm 569 koçber li Derya Spî winda bûn. Cenazeyê kêm ji wan hate dîtin. Ji kesên winda bûn û jiyana xwe ji dest dan 173 li ser rêya Îspanyayê jiyana xwe ji dest dan. MADRÎD
