Li ser înternetê li dijî biryarên YSK’ê yên rê li ber nîqaşên mezin vekir, bi sernavê ‘Em YSK’ê vedixwînin bêalîbûn û edaletê’ kampanyaya îmzeyan hat destpêkirin
Piştî hilbijartina herêmî ya 31’ê adarê Desteya Bilind a Hilbijartinê (YSK) serlêdanên îtîraza AKP’ê qebûl kirin û serlêdanên partiyên muxalefetê red kir. Biryarên YSK’ê ji bo encama hilbijartinê dide rê li ber nîqaşên mezin vedike. Herî dawî YSK bi biryareke sosret mazbatayên namzetên ku hatin hilbijartin bi hinceta bi rêya KHK’ê hatine îxrackirin, betal kir û mazbatayan da partiya duyemîn. Piştî vê li dijî biryarên YSK’ê bi sernavê ‘Em YSK’ê vedixwînin bêalîbûn û edaletê’ li ser înternetê kampanyaya îmzeyan hat destpêkirin.
Di daxuyaniya ji bo kampanyayê de hat dayîn ji YSK’ê hat xwestin ku ji encamên hilbijartinê re rêz bigire.
Kampanya îmzeyan bi navnîşanê ‘change.org’ hat destpêkirin. Heta niha bi deh hezaran kes kampanyayê îmze kirine. ENQERE
