Ji aliyê jinên aktîvîst û siyasetmedar ve kampanyaya ‘Li dijî dagikeriyê û kuştina jinan bêdengiyên bişikine’ hate ragihandin. Her wiha bang li tevahiya jinan hate kirin ku li dijî kuştina jinan bêdengiyê bişikînin û li dijî dagirkeriyê helwest nîşan bidin
Li Dezgeha Rewşenbîrî ya Cemal Erfan a Silêmaniyê ji aliyê jinên aktîvîst û siyasetmedar ve kampanyaya ‘Li dijî dagikeriyê û kuştina jinan bêdengiyên bişikîne’ bi daxuyaniyekê hate ragihandin.
Mamosta û endama kampanyayê Bêxal Namîq daxuyanî xwend û wiha got: “Aşkera ku pirsgirêkên civakî kûr in. Heta pirsgirêk gihîştine asta krîzê. Krîza siyasî, aborî, civakî û firkî wiha kiriye ku civak bêhêvî bibe û hêvî ji bo çareserkirin û guhertina nemîne. Li gorî me pirsgirêka sereke dagirkeriya dewletan a li ser xaka me ye. Êrîş û bombebaran, koçberî û komkujiya welatiyan û komkujiyên jinan in. “
Namîq diyar kir ku hemû pirsgirêkên heyî girêdayî hev in û wiha domand: “Ger bi kurahî temaşe bikin, tevahiya desthilatên dagirker ji bo temenê dagirkeriya xwe dirêj bikin, kar li ser çewsandin civakê dikin. Di encama êrîşên leşkerî û bombebarankirina xaka û mirovan de yên baca yekem didin jin in. Em ji rewşenbîr, ragihandin, hunermend û welatparêzan û kesên xwedî wijdan, azad û demokrat û bi taybet hemû jinan re dibêjin ku pirsgirêka dagirkeriyê û pirsgirêkên jinan du mijarên girêdayî hev in. Ger dagirkerî nemîne wê dawî li kuştina jinan jî were. Ger kuştina jinan û hemû cureyên tundiyê di nava civakê de nemîne, wê îradeya siyasî û serbixwe li Kurdistanê çêbibe û dawî li dagirkeriyê were. Em bang li her kesê dikin ku vê kampanyayê weke kampanyaya xwe bibînin û kar ji bo çareserkirina van pirsgirêkan bikin.”
Her wiha di dawiya daxuyaniyê de armanca kampanyayê wiha hatin rêzkirin:
-Li dijî dagirkeriyê û kuştina jinan rêveberina pêngava hişyarkirinê.
-Ji bo zext ji ser aliyên peywendîdar were kirin lidarxistina çalakiyên demokratîk û medenî. Ji bo pêşîlêgirtina dagirkeriyê şikandina bêdengiyê û pêşxistina aştiya di nava mala kurdan de.
-Rêveberiya pêngava çandî û hunerî, çalakiyên demokratîk li dijî hemû diramayên biyanî. Pêşxistina çand û hunera resena kurdî û pêşxistin hevjiyana azad.
-Bi rêya pêngava yasayî ya xwebexşane şopandina dosyayên kuştin, şewitandin û hemû tundiyên li ser jinan. SILÊMANÎ
