Dewleta tirk a dagirker êrîşên li ser Kurdistanê didomîne. Piştî êrîşa li dijî Heftanînê, îro saetên şevê êrîşî herêma Garê ya başûrê Kurdistanê kir. Hêzên gerîla li dijî hewldanên dewleta tirk ên dagirkirina herêmê, bersiv da.
Tevgera Ciwanên Şoreşger ên Kantona Kobanê li dijî êrîşên dewleta tirk seferberî ragihand û piştrast kir ku ev êrîş tevahî kurdan dike hedef û got ku dê li dijî her êrîşê bisekinin.
Endamê Ciwanên Şoreşger Ehmed Derwêş wiha got: “Dewleta tirk a dagirker di şexsê gelê kurd ê li başûrê Kurdistanê de êrîşî tevahî Kurdistanê dike. Em wek ciwanên şoreşger ên herêma Firatê dê li dijî van êrîşan bisekinin.”
Derwêş bang li tevahî ciwanên li her çar parçeyên Kurdistanê kir ku li dijî dewleta tirk û êrîşên wê yên li dijî axa Kurdistanê, serî hildin. KOBANÊ
