Navenda Nûçeyan |
Li dijî êrîşên dagirkeriyê yên dewleta tirk a li ser Şengal û civaka êzidî, sazî û rêxistinên kurdistanî yên civaka sivîl li gorî saeta Kurdistanê saet 21:00’ê li gorî Ewropayê jî saet 20:00’an bi hastaga #NoFlyZone4Sinjar nerazîbûnên xwe li ser tevna dijital twîtterê tîne ziman.
Hêjayî bibîrxistinê ye ku 15’ê hezîrana 2020’ê balafirên şer ên tirk a dagiker hemwext Şengal, Mexmûr û Herêmên Parastinê yên Medyayê bombe kiribû.
Artêşa dewleta tirk a dagirker ku ji wê demê ve li Heftanînê de dest bi êrîşên dagirkeriyê yên li ser başûrê Kurdistanê kiriye, dem bi dem bi balafirên bêmirov ên biçek bombeyan li çiyayê Şengalê dibarînin.
Herî dawî roja 25’ê tebaxê êrîşeke hewayî kiribûn.
YBŞ’ê bi daxuyaniyekê ragihandibû ku êrîşên dewleta tirk wê li pêşiya biryardariya wan a ji bo parastina cih û warê xwe nebe asteng û wê têkoşîna xwe heta serketinê bidomîne.
