Ji beriya du rojan Serokkomarê tirk Tayîp Erdogan di bernameyek tv de gefa êrişê li Wargeha Penaberan a Şehîd Rûstem Cudî xwaribû û gotibû; “Me ji bo çareserkirina pirsgirêka Mexmûrê bi Neteweyên Yekbûyî û Hikûmeta Merkezî ya Iraqê re hevdîtin çêkirine. Eger ew destwerdan li ser Mexmûrê nekin, emê wek dewlet êrîşî Mexmûrê bikin.”
Gelê Wargehê di saetên êvarê de li Saziya Malbatên Şehîdan a Wargehê bi daxuyaniyek gefên Erdogan û bêdengiya Neteweyên Yekbûyî ya li beramberî van gefan şermezarkir.
Daxûyanî bi deqeyek rêzgirtina ji bo Şehîdên Tevgera Azadiya Kurdistanê destpêkir. Piştre daxuyanî ji aliyê Hevberdevka Saziya Malbatên Şehîdan Xantûr Kara ve hat xwendin.
Di daxuyaniyê de wiha hat gotin;
“Wek tê zanîn ev 27 salin em ji ber zilm, girtin, kuştin, talan û xwestina bi darê zore bikin cerdevan em neçarman ku penberî Başûrê Kurdistanê bibin. Bi salane em li ser axa xwe penaber bûne, di her wargehê de bi destê dewleta Tirk û hevkariya Kurdên xayîn cihê jiyanê ji me re nehêlane. Di encama keda pîroz ya şehîdan de, bi îdeolojî, ramanên Rebertî û bi baweriya giredanbûna nirxên pîroz heta roja me ya îro gelê wargehê xwe li ser lingan girtiye. Ji sekna xwe ya berxwedêr gav şûnde ne avetiye.
Di 5 salan de 12 welatiyên wargehê şehîd bûne
Em wek wargeh di bin sîwana Neteweyên Yekbûyî de ne û wek erdnîgarî jî bi ser Hikûmeta Navendî ya Iraqê ne. Lê ji ber sedema xwedî lêdernektinê, hiştina bi tenê a gelê wargehê, neparastina serweriya xaka Iraqê ji aliyê Hikûmeta Navendî û Hikûmeta Herêmê ve, di encama êrîşên balefirên dewleta tirk a dagirker de di 5 salên dawî de bi giştî 12 hemweletiyên wargehê jiyan xwe ji dest dane û dû kes jî birîndar bûne. Li gorî qanûnên navnetewî parastina wargehê ne hatiye kirin û Neteweyên Yekbûyî berpirsyariyên xwe yên di aliyê penaberên wargehê de pêk ne anîne. Her tim li hember êrîşên li ser wargehê bêdengiya xwe parastiye.
Li aliyê din jî ev dû meh in bi destê dewleta dagirker a tirk û kurdên xayîn li ser xaka Başûrê Kurdistanê operasyonek ya dagirkirinê hatiye destpêkirin. Dûyemîn hêza NATO’ê ya ku qaşo xwe pir bihêz dibîne bê navber bi balafirên şer Herêmên Parastinê yên Medyayê bombebaran dike. Lê car din jî nikarin li himber vîna gêrîla serbikevin. Ev yek jî deroniya wan xira dike, dewleta wan her roja ku diçe lewaztir dike. Ji ber wê jî îro jin, zarok û kalên wargeha me ji bo xwe wek gefekê dibîne.
Wek tê zanîn beriya du rojan serokkomarê tirk ê faşîst Erdogan gefên êrîşkirinê li wargeha me xariye û daye diyarkirin eger Neteweyên Yekbûyî û Hikûmta Navendî ya Iraqê dest werdana warghê neke, wê ew wek dewleta tirk êrîşî wargehê bikin.
Dem dema parastina gelê wargehê ye
Em wek gelê wargehê bêdengî û hevkariya Neteweyên Yekbûyî, Hikûmeta Navendî ya Iraqê, Hikûmeta Herêmê a li hemberî gefên Erdogan şermezar dikin. Bila hêzên peywendîdar baş bi zanibin heta em negihijin armanca xwe, em dest ji sekna xwe ya berxwedanê gav şûn de navêjîn. Em bang li tevayî gelê kurd, dostên gelê kurd, sazî, dezgeh mafê mirov, partiyên siyasî, rewsenbîr û siyasetmedaran dikin li beramberî wargeha me bi erka xwe rabin. Ji ber ku dem ne dema bêdengiyê ye, dem dema xwedî lê derketina destkeftiyên gelê kurd e. Dem dema xwedî derketin kerameta gelê kurd û dem dema parastina gelê wargehê ye.”
Daxuyanî bi dirûşmeyên ‘Bijî Berxwedana Mexmûrê’, ‘Bijî Serok Apo’ û ‘Bimire îxanet’ bi dawî bû. MEXMÛR
