Kurdistanî û dostên xwe ji bo şermezarkirina Komploya Navneteweyî ya li ser Rêberê Gelê Kurd Abdullah Ocalan meşekê lidar dixin
Ji bo salvegera Komploya Navneteweyî ya li ser Rêberê Gelê Kurd Abdullah Ocalan li gelek navendan meş tên lidarxistin. Kurdistanî û dostên xwe ên li Parîsê hatin ba hev, bi meşekê komplo şermezar kirin. Meşa ku dê 2 rojan bidome di roja yekemîn de ji Gar De Lest dest pê kir û ber bi Bastîlleyê dewam kir.
Di meşa bi pêşengiya Tevgera Jinên Kurd û Konseya Demokratîk a Kurd a Fransayê hat destpêkirin de daxwaza azadiya Ocalan hat kirin û berxwedêrên grevan hatin silavkirin. Di meşê de wêneyên Leyla Guven, Nasir Yagiz û Îmam Şîş hatin hildan û dowîz hatin bilindkirin.
Di meşê de ji bo balê bikişînin ser rewşa Leyla Guven û tecrîda li ser Ocalan belavokên bi zimanê fransî hatin belavkirin.
Ji bo meşa ku dê sibê jî bidome bang li kurdên li Faransayê dijîn hat kirin ku tevli meşê bibin. PARÎS
