Koma bi navê ‘Yekîneya Tolhildanê ya Şehîd Xemgîn Roj’ ragihand ku li Amedê li dijî polîsên TEM’ê ku ‘goristan xera kiribûn’ çalakiyek li dar xist
Koma bi navê‘Yekîneya Tolhildanê ya Şehîd Xemgîn Roj’ daxuyanî da û destnîşan kir ku wan li dijî polîsên TEM’ê yên ku goristan xira kirine çalakiyek li dar xistine. Yekîneyên Tolhildanê di daxuyaniya xwe de destnîşa kir ku piştî çalakiyê hêzên dewleta tirk mirî û birîndarên xwe rakirine. Yekînaya Tolhildanê destnîşan kir ku dê li dijî vê hovîtiya hêzên dagirker bi çalakiyên xwe tolê hilînin.
Yekîneya Tolhildanê têkildarî çalakiyê ev daxuyanî da: “Şeva 22’ê tebaxê li dijî polîsên TEM’ê ku bi ser goristana Yenîkoy a navçeya Rezana Amedê girtibûn û goristan xerab kiribûn ji aliyê Yekîneya Tolhildanê ya Şehîd Xemgîn Roj ve çalakiyek bi bandor hate lidarxistin. Dema ku polîsên TC’ê yê dagirker goristan xera dikirin yekîneyên me bi bombeyên destan û çekan li wan dan.”
Yekîneya Tolhildanê diyar kir ku di çalakiyê de hejmara kuştî û birîndaran nehate zanîn û ev tişt ragihand:“Piştî çalakiyê hêzên dagirker herêm dorpêç kir û kuştî û birîndarên xwe rakirin nexweşxaneyê. Polîsên dagirker û dewleta tirk wê her rojê berdêla hovîtîya xwe bidin. Dewleta TC’ê ya hovane ku ji şehîdên me ditirse û bi hovane êrîşî goristanên me dike, em ê bi çalakiyên xwe tolê hilînin.”AMED
