HDP’ê di civîna xwe ya 9’ê çileyê de, biryar wergirt ku dê di 19’ê çileyê de li Amedê û di 3’yê sibatê de jî li Stenbolê ji bo balkişandina ser tecrîdê mîtîngên ‘Demokrasî, Azadî û Adaletê’ pêk bînin
Lijneya Rêveber a Navendî ya HDP’ê di 9’ê çileyê de ji bo nirxandina mijarên hilbijartinên herêmî û çalakiyên greva biçîbûnê yên bêdem û bêdorveger ku bi pêşengiya Leyla Guven hatiye destpêkirin, civîn pêk anî. Di civînê de biryarên nû hatin wergirtin. Di civînê de biryar hat girtin ku divê xebatên hilbijartina herêmî bên bilezkirin û Buroya Koordînasyona Hilbijartinên Herêmî bê avakirin.
HDP dê der barê teşhîrkirina polîtîkayên qeyûman de xebatên cur bi cur bike. Li gorî biryarên hatin girtin, di civîna ku 23’yê çileyê li Amedê pêk bîne de destpêkê hemû namzetên jin ên şaredariyan aşkera bike û dê di 24’ê çileyê de jî hemû namzetên hevserokên şaredariyan aşkera bike. HDP’ê ji bo diyarkirina stratejiya xwe jî plan dike ku di 5’ê sibatê de li Amedê civîna herêmî pêk bîne.
Mijara din a civînê jî çalakiya Leyla Guven a li dijî tecrîdê daye destpêkirin, bû. HDP’a ku hedef dike daxwaza Leyla Guven belavî Tirkiyeyê bike, xwe ji bo civînên gel ên li Marmara, Çukurova û herêmên Egeyê bi ser navê ‘Tecrîda mutlaq û grevên birçîbûnê’ pêk bîne, amade dike. Dîrokên civînan û navêndên dê civîn pêk bên, dê rojên pêş bên aşkerakirin. Di civînan de biryar hat girtin ku dê HDP bi tevlêbûneke xurt tev li danişîna Leyla Guven a di vê mehê de pêk bê, bibe.
Her wiha di civînê de dîrokên mîtîngên ‘Demokrasî, Azadî û Edalet’ê ku dê li Amed û Stenbolê ji bo balkişandina tecrîda li ser Ocalan pêk bên jî hat diyarkirin. Li gorî biryarê mîtînga Amedê di 19’ê çileyê de û mîtînga Stenbolê jî dê di 3’yê sibatê pêk bên. ENQERE
