Emîne Şenyaşar a ku hevjînê xwe û kurên xwe, di êrîşa parazvan û xizmên parlamenterê AKP’ê yê Rihayê Îbrahîm Halîl Yildiz de hatin qetilkirin, bi kurê xwe Ferît Şenyaşar re, çalakiya xwe ya nobetê ya bi daxwaza ‘Edalê’ di roja 44’emîn de dewam kir. Malbata Şenyaşar ji ber ku hevdîtina heftane ya telefonê bi kurê xwe Fadil Şenyşar ê li Girtîgeha Xerpetê dimîne re kir, dereng derbasî ber avahiya edliyê bû.
Malbata ku li ser hesabê xwe yê medyaya dijital daxuyanî da, malavayî li Platforma Jinan a Şahmaran a Mêrdînê kir, ji bo ku serdana wan kiribû û wiha got: “Li dijî zilmê bêdeng mayîn, tê wateya hevkariya zilmê. Werin em li dijî zilmê û bêdadiyê bibin yekdeng.” RIHA
