Polîsên dewleta tirk li Edeneyê bi ser gelek malan de girtin. Hat zanîn ku di encama serdegirtina malan de herî kêm 16 kes hatin binçavkirin
Beriya Komploya Navneteweyî ya 15’ê Sibatê ya li dijî Rêberê Gelê Kurd Abdullah Ocalan, dewleta tirk jî li bakurê Kurdistanê û Tirkiyeyê lez da qirkirina siyasî. Di vê çarçoveyê de li Edeneyê bi ser gelek malan de girt.
Hat zanîn ku hêzên polîsan ên dewleta tirk di danê serê sibehê de di çarçoveya lêpirsîna Serdozgeriya Komarê ya Edeneyê de, li Edeneyê bi ser 38 malan de girt. Di dema serdgirtinan de deriyên malan hatin şikandin û polîs bi vî awayî ketin malan.
Li gorî agahiyan, di encama serdegirtina malan de herî kêm 16 welatî hatin binçavkirin. EDENE
