Êrîşên arteşa tirk a li ser bakur û rojhilatê Sûriyeyê, ji hêla rêxistinên jinan ên Edeneyê ve hat şermezarkirin
Meclisa Jinan a HDP’ê ya Edeneyê û Dayikên Aştiyê, derbarê êrîşên dewleta tirk ên li hemberî bakur û rojhilatê Sûriyeyê de li avahiya partiya xwe daxuyanî dan çapemeniyê. Parlamentera HDP’ê ya Edeneyê Tulay Hatîmogûllari piştgirî da daxuyaniya jinan.
Endama Meclisa Jinan a Edeneyê Şukran Efeturk li ser navê jinan daxuyanî da û diyar kir ku yên felaketên şer nizanin dê aştiyê jî nizanibin.
Efeturk bal kişand ser koçberên Sûriyeyê û ev tişt anî ziman: “Tirkiye koçberên Sûriyeyê dike mijara bazarê. Vê jî li dijî Ewropayê weke fersendekê bi kar tîne. A rast di hedefa Tirkiyeyê de jinên li Rojava ji bo mafên xwe li ber xwe dan hene. Mîna hişmendiya DAIŞ’ê, tekane armanca wan kolekirina jinan e. Ji ber vê yekê şoreşa Rojava di hedefê de ye.”
Her wiha Efeturk ku bertek nîşanî êrîşan da, got ku pirsgirêka kurd encax bi demokrasiye çareser bibe û axaftina xwe wiha bi dawî kir: “Israra di şer de dê pirsgirêkê girantir bike. Li dijî hebûna kurd, vîn û siyaset gelê kurd derketin, ne polîtîkayên çareserkirinê ne.” EDENE
