Li Edeneyê dengbêj vê hefteyê jî bûn mêvanê maleke din û kilamên xwe gotin
Li Edeneyê, dengbêj her pêncşem bi dirûşma “Serê malê kilamek” dibin mêvanê malekê. Vê hefteyê dengbêj li taxa Denîzlî ya navçeya Seyhanê bûn mêvanê malekê û striyan.
Dengbêj danê êvarê li hev kom bûn û berê xwe dan mala ku wê şevbêrka xwe lê bikin. Piştî hatin malê tevî şêniyên malê şîva xwe xwarin û piştî şîvê dengbêj li dor sobeya êzinga rûniştin û li ber erbane û tembûrê striyan. Her wiha wexta dengbêj ditsriyan li ser sobeyê jî çay hat çêkirin. Dengbêjan hem çaya xwe vexwar hem jî kilamên xwe gotin. Dengbêj, li gel stranan tevî şêniyên malê û der û cînaran sohbet jî kirin. EDENE
