Navenda Nûçeyan |
Hêzên Rizgariya Efrînê (HRE) bi daxuyaniyekê ragihand ku artêşa tirk û çeteyên wê di 12- 13’ê hezîranê de li Efrînê êrîşeke bejahî biriye ser hêzên wan û di encama bersivdayîna hêzên wan de pevçûn derketiye.
Daxuyaniya HRE’yê wiha ye:
“Di çarçoveya pêngava duyemîn a berxwedana Efrînê de têkoşîna me, bi hêzeke xurt li dijî dagirkeriyê berdewam dike. Artêşa tirk a dagirker û çeteyên wê, di 12 û 13 hezîranê de li herêma Efrîn û derdora Ezazê ji bejahî ve êrîşek li ser hêzên me li dar xist. Di encama êrîşê de pêvçûneke dijwar di navbera hêzên me û artêşa dagirker de rû da. Li hemberî êrîşên artêşa dagirker, hêzên me bi lehengî bersiv da û êrîşên wan têk birin. Di heman demê de di encama şerê rûdayî de 5 çete hatin kuştin, 9 çete birîndar bûn, seyareyek hate rûxandin, seyareyek hate derbkirin, 2 motorsîklêt jî hatin rûxandin.
Di vê êrîşa dagirkeriyê de şervanên me yên bi navên Agir Efrîn, Cûdî Rûstem û Yilmaz Efrîn şehîd bûn.”
