Navenda Nûçeyan |
Hêzên Rizgariya Efrînê (HRE) di 13 û 14’ê gulanê de li Efrîn û Ezazê li dijî hêzên artêşa tirk û çeteyên wê çalakî kirin. Têkildarî mijarê HRE’yê daxuyaniyeke nivîskî da.
HRE’yê da zanîn ku hêzên wan di 13’ê gulanê de li Efrînê li hemberî çeteyên dagirker çalakiyeke sabotajê li dar xistin û di encamê de 2 çete birîndar bûn, 2 seyare hatin rûxandin û seyareyek jî hate derbkirin.
Bi domdarî jî HRE’yê diyar kir ku hêzên wan li herêma Ezazê li hemberî artêşa tirk û çeteyên wê 2 çalakî li dar xistin û di çalakiyan de 4 çete hatin kuştin û 3 çete jî birîndar bûn. HRE’yê destnîşan kir ku di 14’ê gulanê de jî hêzên wan li gundê Kîmarê yê Şêrawa ya Efrînê li dijî artêşa tirk çalakî li dar xist û di encamê de 2 leşker hatin kuştin, 3 leşker birîndar bûn û seyareyeke leşkerî jî hate rûxandin.
