Navenda Nûçeyan |
Hêzên Rizgariya Efrînê (HRE) daxuyaniyeke nivîskî weşand û diyar kir ku di 4 û 5’ê nîsanê de hêzên wan çalakî kirine.
HRE’yê da zanîn ku hêzên wan di 4’ê nîsanê de li gundê Meryemîn ê Şera ya Efrînê li dijî baragehekî artêşa tirk çalakiyek sekvanî kirin û di çalakiyê de leşkerek hatiye kuştin. Di berdewamê de jî HRE’yê diyar kir ku hêzên wan di heman rojê de li gundên Dêrsiwan û Çema yên Şerayê li dijî çeteyan 2 çalakiyên sabotajê kirin û di çalakiyan de 2 seyare hatin rûxandin û 6 çete jî hatin kuştin.
Daxuyanî wiha bi dawî bû: “Hêzên me di 5’ê nîsanê de li gundê Malikiyê yê Şerayê li dijî çeteyên artêşa dagirker çalakiyek sekvanî kir. Di çalakiyê de çeteyek hate kuştin. Hêzên me li gundê Kefer Xaşir ê Ezazê jî li dijî çeperekî çeteyên dagirker çalakiyek kirin. Encama vê çalakiyê nehat zelalkirin.”
