Navenda Nûçeyan |
Çalakiyên şervanên Hêzên Rizgariya Efrînê (HRE) yên li herêmên dagirkirî yên rojavayê Kurdistanê yên li dijî hêzên dagirker bênavber didomin. Têkildarî çalakiyên dawî, HRE’yê daxuyaniyek da.
HRE’yê da zanîn ku hêzên wan di 12’ê hezîranê de li ser rêya gundên Xezewî û Birc Heyder ên Şêrawa ya Efrînê çalakî kir û di çalakiyê de 3 çete hatin kuştin. Di berdewamê de jî HRE’yê diyar kir ku hêzên wan di 13’ê hezîranê de li Efrînê çalakiyeke sabotajê kir û di çalakiyê de 3 çete hatin kuştin. HRE’yê daxuyand ku di heman rojê de hêzên wan li Babê çalakiyeke din a sabotajê kir û di çalakiyê de çeteyek hate kuştin û 4 çete jî birîndar bûn.
Daxuyaniya HRE’yê wiha bi dawî bû: “Hêzên me di 15’ê hezîranê de li gundê Kefer Xaşir ê Ezazê rêzeçalakiyên sekvaniyê kirin. Di çalakiyan de leşkerekî tirk û çeteyek hatin kuştin û 2 çete jî birîndar bûn.”
