Navenda Nûçeyan |
Hêzên Rizgariya Efrînê (HRE) bi daxuyaniyeke nivîskî ragihand ku hêzên wan di rojên dawî de li dijî hêzên artêşa tirk û komên çete yên girêdayî wê çalakiyên bi bandor pêk anîne.
HRE’yê da zanîn ku hêzên wan di 5’ê gulanê de di navbera gundê Dêrbêlût ê Cindirês a Efrînê li dijî komên çete çalakî pêk anî û di çalakiyê de 2 çete hatin kuştin. Bi domdarî jî HRE’yê daxuyand ku hêzên wan di 7’ê gulanê de jî li gundê Basûtê yê Şêrawa ya Efrînê li dijî çeteyan çalakî pêk anî û di çalakiyê de 2 çete hatin kuştin û 2 jî birîndar bûn.
Daxuyaniya HRE’yê wiha dom kir: “Hêzên me di 8’ê gulanê de li bajarê Mareyê li dijî çeteyên artêşa dagirker çalakiyeke sekvaniyê kir û di çalakiyê de çeteyek hate kuştin. Her wiha di 11’ê gulanê de jî hêzên me li çerxe rêya navenda Efrînê li dijî çeteyên artêşa dagirker çalakiyeke sabotajê kir û di çalakiyê de çeteyek hate kuştin û yek jî birîndar bû.”
