Çeteyên dewleta tirk li Efrînê rê li ber 2 xebatkarên rêxistina alîkariyê ya Parastina Sivîlan girt û piştî ku pereyên wan dizîn, qetil kirin
Li herêmên dagirkirî bûyerên kuştin û revandinê roj bi roj zêdetir dibin. Li gorî agahiyên ji herêmê, îro di danê sibehê de cenazeyên keçeke ciwan û ciwanekî ku di Difa El Medenî (Parastina Sivîl) de dixebitiyan, hatin dîtin.
Çavkaniyan diyar kir ku her du cenaze li ser rêya Kemrok ê girêdayî navçeya Mabata ya Efrînê hatine dîtin. Navên kesên hatine qetilkirin wiha ne: “Nircis Dawûdî ya ji gundê Kemrokê û Elî El Şaxûr ê bi eslê xwe ji Xûta El Şerqiyê ye.”
Nircis Dawûdî û Elî El Şaxûr piştî ku fonên xwe standin, komeke çeteyan rêya wan girtiye û pereyên wan dizîn û piştre jî qetil kirin. EFRÎN
