Çeteyên dewleta tirk li navçeya Mabeta ya kantona Efrînê zêdetirî 300 sivîl revandin
Binpêkirina mafan a çeteyên dewleta tirk li Efrînê didomin. Çeteyên dewleta tirk her roj mal û milken sivîlan talan dikin û sivîlan direvînin.
Li gorî nûçeya ajansa ANHA’yê duh êvarê saet di 19.30’an de çeteyan li navenda navçeya Mabeta ya Kantona Efrînê bi ser malan girtine. Di serdegirtina malan de 300 sivîl têde jin, zarok, kal û pîr jî hebûne, revandine. Li gorî nûçeyê kesên hatine revandin ji aliyê çeteyên dewleta tirk ve rastî gotinên xirab û lêdanê hatine û çeteyan telefonên wan jî desteser kirine.
Her wiha çarenûsa kesên hatine revandin ne diyar e. EFRÎN
