HRE’yê bi daxuyaniyeke nivîskî ragihand ku hêzên wan li navçeya Şerayê 2 çalakî pêk anîn. HRE’yê da zanîn ku di encama çalakiyan de 5 çete hatin kuştin
Hêzên Rizgariya Efrînê (HRE) bi daxuyaniyekê encamên çalakiyên hêzên wan ên li dijî hêzên dagirker ên li Efrînê bi raya giştî re parve kir.
HRE’yê diyar kir ku hêzên wan di çarçoveya çalakiyên tolhildanê de li dijî artêşa tirk a dagirker û çeteyên wê li herêma Efrînê çalakiyeke bi bandor pêk anîn. HRE’yê daxuyand ku hêzên wan di 10’ê mijdarê de li gundê Enabkê yê Şera ya Efrînê komeke çete hedef girt. HRE’yê da zanîn ku di encama çalakiyê de seyareyeke bi cureya jeep û çeperekî çeteyan hatin rûxandin, 4 çete hatin kuştin û çeteyek jî birîndar bû.
Herî dawî jî HRE’yê ev agahî dan: “Di heman rojê de hêzên me li gundê Merenaz ê Şerayê li dijî komekê çeteyan çalakiyeke sekvaniyê pêk anîn û çeteyek hate kuştin. Her wiha liv û tevgera balafirên şer û keşfê ya artêşa tirk a li ser herêmên Efrîn û Şehbayê didome.”
