HRE’yê bi daxuyaniyekê ragihand ku hêzên wan di 19’ê hezîranê de li dijî çeteyên li navenda Efrînê, çalakî pêk anîn. HRE’yê daxuyand ku di çalakiyê de çeteyek hatiye kuştin û 6 çete jî birîndar bûne
Hêzên Rizgariya Efrînê (HRE) têkildarî çalakiyên hêzên wan ên li Efrînê daxuyaniyeke nivîskî weşand.
Di daxuyaniyê de HRE’yê diyar kir ku hêzên wan di çarçoveya çalakiyên leşkerî ên li hêmberî artêşa tirk û çeteyên wê de, li herêma Efrîn û derdora wê navendên çeteyan hedef girtine. HRE’yê destnîşan kir ku hêzên wan di 19’ê hezîranê de li ser rêya di navbera herêma ‘Dewara Kawa’ û herêma ‘Qews’ê yên li navenda bajarê Efrînê de, çalakiya sabotajê pêk anîn.
HRE’yê daxuyand ku çalakî li dijî dewriyekê çeteyên girêdayî dewleta tirk pêk hatiye. HRE’yê da zanîn ku di encama çalakiyê de çeteyek hate kuştin û 6 çete jî ku rewşa 4’an jê girane, birîndar bûn. HRE’yê ragihand ku di çalakiyê de 2 wesayît jî hatin derbkirin. EFRÎN
