Girê Kitix ê dîrokî li ser rêya bajarê Efrînê- Racoyê û çerxerêya diçe navçeya Şiyê dikeve.
Berpirsên Gerînendeya Şûnwaran a herêma Efrînê piştrast kir ku dewleta tirk û çeteyên wê, piştî ku kantona Efrînê dagir kir, Girê Kitixê yê dîrok bi amûrên mezin kolandine.
Dagirkeran 3 noqteyên li dora girê koland, yek li rojhilatê girê di navbera pira trênê û zemîna gir ji aliyê rojhilat ve. Ya din li nêzî noqteya gihaştina rêya giştî ber bi navçeya Raco û rêya navçeya Şiyê li bakurê rêya trênê. Noqteya sêyemîn li rojavayê rêya giştî ber bi navçeya Racoyê ve.
Berpirsan diyar kir ku li gorî agahiyên ku sala 2018`an hatine bidestixistn, derdora 5 hezar m2 hatiye kolandin û dan zanîn ku gelek kon û amûrên mezin li gir hene, ev yek nîşan dide ku komeke mezin li ser kolandin û wêrankirina girê Kitix dixebitin.
Li gorî agahiyên ku gerînendeyê ku di tîrmeha 2019`an de bi dest xistine, hêzên dagirker heta lûtkeya gir kolandine û gelek darên zeytûnê hatine jêkirin û derdora 6 hektar erd li noqteya sêyemîn a li nêzî rêya Racoyê hatiye kolandin.
Gerînendeyê anî ziman ku dezgehên çapemeniyê û civaka navneteweyî rewşa li Efrînê paşguh dikin, lewra sûcên dewleta tirk û çeteyên wê li dijî cihên dîrokî berdewam in û wiha diyar kir ku heta niha hemû cihê dîrokî rastî wêrankiriyê û diziyê hatine, ji ber ku Efrînê ji cîhanê hatiye qutkirin, gelek zehmet e ku belge û delîlên binpêkirina bidest bixe. ŞEHBA
