Li navendeke çeteyan a li navenda Efrînê teqîn çêbû. Hat zanîn ku di encama teqînê de 3 çete hatin kuştin
Îro di danê sibehê saet derdora 08:15`an de li dijî navenda koma çete ya Ehrar El Şerqiyeyê, bi wesayîteke bombebarkirî êrîşek pêk hat.
Li gorî agahiyên ji Efrînê, êrîş li dijî navenda çeteyên Ehrar El Şerqiye ya navenda Efrînê pêk hat. Çavkaniyên ji Efrînê da zanîn ku di encama teqînê de 3 endamên komên çeteyan hatin kuştin.
Hêjayî gotinê ye ku piştî Efrîn ji hêla artêşa tirk û çeteyên wê ve hatî dagirkirin, Navenda Çand û Hunerê ya Efrînê veguherandibû baregeha leşkerî. Navend li taxa Nû ya li Efrînê ye û îro tevî çeteyên tê de hate teqandin. EFRÎN
