Yek ji navnîşanên Newroza îsal ku bi pêşengtiya Kongreya Civaka Demokratîk (KCD), Kongreya Demokratîk a Gelan (HDK), Tevgera Jinên Azad (TJA), Partiya Herêmên Demokratîk (DBP), Partiya Demokratîk a Gelan (HDP) û Partiya Çep a Kesk û bi dirûşmên “Her der Newroz, her dem azadî” û “Bi agirê Newrozê ber bi azadiyê ve tê pîrozkirin jî Êlih e. Ketina gel a qada Newrozê dest pê kir. Ji gelek deverên bajar bi hezaran kes ber bi qada Newrozê ve diherikîn û li benda pîrozkirina Newrozeke dîrokî ne. Ji gund, tax, navçe û navenda bajar xelk kom bi kom ber bi qadê ve dimeşe û dikeve qada ku dê agirê Newrozê lê were lidarxistin. Girse, ji du baskan ve ber bi Qada Newrozê ya li Taxa Pazaryeriyê ve dimeşe. Welatiyan cil û bergên kurdî li xwe kirine, tililiyan diavêjin, nîşaneya serkeftinê dikin û bi alayan dikevin qadê.
‘Bijî Serok Apo’
Girseya ku gihiştiye qadê bênavber dirûşmên “Bijî Serok Apo” û “Bê Serok jiyan nabe” berz dike. Li qada pîrozbahiyê daxwaza azadiya fîzîkî ya Rêberê PKK’ê Abdullah Ocalan tê kirin. Di pîrozbahiyê de dê Berdevka Meclisa Jinan Ayşe Acar Başaran, Parlamenterê HDP’ê yê Êlihê Mehmet Ruştu Tîryakî û siyasetmedarê kurd Ahmet Turk biaxivin.
