Li Endonezyayê bi pîleya 7,3 erd hejiya. Li gorî daxuyaniyên fermî kesek miriye û gelek xanî hilweşiyane.
Duh bi saeta herêmî di saet 18.00’an de li herêma Molûqûesê ya Endonezyayê bi pîleya 7,3 erd hejiya.
Erdhejê bandor li bajarê Ternateyê ku 165 kîlometre jî navenda erdhejê dûr bû kir.
Hate diyarkirin ku ji ber hilweşîna xanî kesek miriye.
Bi sedan kes jî ji neçarî li dibistan û avahiyên dewletê hatin bicihkirin.
Di 26’ê Kanûna 2014’an de li Endonezyayê bi pîleya 9,1 erd hejiyabû û tsûnamî pêk hatibû. Di wê demê de li wan welatan 170 hezar kes ji ber tsûnamî û erdhejê miribûn.
