Di serî de li Enqere, Stenbol, Riha û gelek bajêran, di serdegirtinên malan ên serê sibê de gelek kes hatin binçavkirin
Li Enqereyê, di serdegirtinên malan ên serê sibê de, endam û rêveberên Partiya Demokratîk a Gelan (HDP) ê jî di nav de 10 kes hatin binçavkirin. Hinceta operasyonê nehat zanîn û kesên hatin binçavkirin birin Midûriyeta TEM’ê ya Enqereyê.
Navê kesên hatin binçavkirin wiha ne: “Husamettîn Ozden, Mûstafa Sontekîn, Tanjû Kûrûoz, Bulent Kaya, serokê ESP’ê yê Bajêr Mehmet Alî Tosûn, rêveberê HDP’ê yê Altindag ê berê Salîm Tûran, Hûseyîn Taka, Nûriye Taka, Tekîn Çîftçî û Şahîn Bardakçi. Dibe hejmara binçavkirinan zêdetir bibe.
RIHA
Polîsan li navçeya Hewag a Rihayê bi ser malê de girtin û hevserokê HDP’ê yê navçeyê Omer Yildirim binçav kir. Yildirim ê hinceta binçavkirina wî nehat zanîn li Midûriyeta Polîsan a Navçeyê tê girtin.
STENBOL
Li Stenbolê jî di serdegirtinan de gelek kes hatin binçavkirin. Navê kesên hatin binçavkirin û hinceta binçavkirina wan nehat zanîn. Hat diyarkirin ku operasyon berdewam dike û kesên hatin binçavkirin li Midûriyeta Polîsan a li ser Cadeya Vatan a Stenbolê tên girtin. Derbarê kesên hatin binçavkirin de, biryara sînordarkirina 24 saetan hatiye dayîn.
Li aliyê din hat diyarkirin ku li bendê ne ku îfadeyên 18 kesên di 13’ê sibatê de hatin binçavkirin bên girtin û sewqî dozgeriyê bên kirin. AMED
