Li Erebistana Siûdî ji ber barana zêde lehî rabû. Di encama rabûna lehiyan de herî kêm 12 welatiyan jiyana xwe ji dest da
Li Erebistana Siûdî ku gelemperiya erdnîgariya wê çol e, bareneke zêde bariya. Barana zêde rê li ber lehiyê vekir. Têkildarî mijarê Parastina Sivîl agahî dan û diyar kir ku li bajarê Tabûk ku li rojavayê bakurê Qraltiya Siûdiyê dikeve, ji ber lehiyê 10 kes mirin. Li bajarê Medîneyê jî kesek li nêzî sînor mirî hate dîtin.
Hat zanîn ku di encama mudaxeleyên xebatkarên rizgarkirinê yên di rojên yekşem û çarşemê de, 271 welatî hatin rizgarkirin. Hate ragihandin ku piraniya kesên hatine rizgarkirin ji bajarê Tabûkê ne.
Hêjayî bibîrxistinê ye ku ji ber barana zêde ya roja yekşemê, di serî de li Tabûkê li herêmên dikevin rojavayê bakur ên dikevin sînorê Urdun û bakurê qraliyetê û gelek herêm ji baranê ziyan dîtin. Di encama baranên di mehên cotmeh û mijdarê de, li Erebistana Siûdî 35 welatiyan jiyana xwe ji dest dabû. RIYAD
