Li Girtîgeha Sergirtî ya Ewlekariya Bilind a Tîpa H a Erziromê, girtî kirin odeyên yek kesî
Li Girtîgeha Sergirtî ya Ewlekariya Bilind a Tîpa H a Erziromê, girtiyên siyasî ji qawîşên wan derxistin û xistin odeyên yek kesî. Semra Gumuşlu bi telefonê, hevdîtin bi hevserê xwe Yaşar Gumuşlu yê li girtîgehê dimîne re axivî û diyar kir ku di hevdîtina telefonê ya di 12’ê adarê de, hevserê wê jêre gotiye ew kirine odeya yek kesî.
Gumuşlu da zanîn ku derbarê rewşa hevjînê xwe yê 2 salin girtiye de, li Midûriyeta Girtîgehê deriyane û wiha got: “Rayedarên girtîgehê ji me re gotin ‘Me wisan guncav dît, niha dê wisa be. Ev qawîşeke. Me wiha guncav dît. Dê tenê bimînin.’ Hevalên hev ên qawîşê, agahiya wan ji hev tune ye. Kes nizane kî di greva birçîbûnê deye û çi bi serê hevalên wan hatine. Ji hevdû agahî nagirin. Gelo armanca van çiye? Çima kirin odeyên yek kesî?”
Gumuşlu da zanîn ku di odeyên girtiyan de televîzyon tuneye û wiha bilêv kir: “Rojnameyan jî nadin girtiyan. Li odeyan av jî tuneye. Em van mûameleyên keyfî qebûl nakin. Niha hevserê min nizane hevalên wî di kîjan rewşê dene. Agahiyê ji hev nagirin. Tenê ne hevserê min kirine odey, hemû girtiyên din jî kirine odeyên yek kesî.”
Derbarê bûyerê Midûriyeta Girtîgeha Sergirtî ya Ewlekariya Bilind a Tîpa H a Erziromê diyar kirin ku ewê agahî nedin. ERZIROM
