Li hin welatên Ewropayê bi dehan sal in meha hezîranê ev qasî germ nebûbû û hişyarî hat dayîn
Pêla hewaya germ ku ji Çola Sehrayê ya Afrîkayê tê li welatên Ewropayê bû sedema germahiya zêde. Li gelek welatan ji ber germayê ketin rewşe alarmê, li gelek welatan rayedar bi tevdîrên jidiyayî armanc dikin ku ziyana ji ber germayê kêm bikin.
Li Almanyayê piştî Hezîrana 1947’an ku li Frankfûrê germahî bûbû 38,2 pîle, tê gotin dibe ku vê hezîranê germahî rekorê bişikîne û ji 38,2’yan derbas bike.
Her wiha li gorî Ajansa Meteorolojiyê ya Spanyayê li herêma naverastê, başûr û rojhilatê bakur germahî dibe ku bigihêje 40 pîleyî.
Li Fransayê azmûn hatin taloqkirin
2003’yan li Ewropayê ji ber germa zêde 70 hezar kes miribû. Tê payîn ku vê heftê li Fransayê li herêmên naverastê û rojhilatê germahî pir zêde bibe û li gel Lyonê li gelek bajaran germahî bigihêje 40 pîleyî. Ji ber germahiya zêde azmûna qedandina dibistana navîn ku vê pêrşem û Înê bihatana kirin, taloqî 1 û 2’yê tîrmehê bûn.
Li Îngilistanê jî li gel germahiyê tê payîn ku ecacok rabe. Li Ewusturyayê jî tê payîn ku germahî bibe 37 pîle û her wiha ecacoka şidiyayî rabe.
Li welatên Skandînavê jî ji îro ve germahiyê dest pê kir, li Danîmarka û Swêdê germahî wê bigihêje 30 pîleyî.
