Dildarên HDP/Partiya Çep a Kesk ên li derveyî welat, ji bo ji Ewropayê destekê bidin xebatên hilbijartinê, Tora Ragihandina Demokratîk a Gelan (HADÎ) li Ewropayê ava kirin.
Ji bilî kesên ev demeke dirêj e li Ewropayê dijîn, siyasetmedar, akademîsyenên aştiyê, rojnameger, rewşenbîr û hunermendên HDP’yî yên di pêvajoya dawî de neçar man biçin derve û li Ewropayê dijîn jî hene. Bi weşana zindî ya li ser înternetê ev tor hat avakirin. Daxuyaniya avakirinê ji aliyê 9 kesên ji Almanya, Swêd, Fransa û Swîsreyê hat xwenedin. Hat diyarkirin li Yewnanistan, Holanda, Îtalya, Avûstûrya, Danîmarka, Îngîltere û bakurê Kibrisê jî dildarên HADÎ Ewropayê hene.
Daxuyanî ji aliyê yek ji şoreşgerên Nifşê 68 Latîfe Fegan, akademîsyenê aştiyê Çetîn Gurer,siyasetmedara alman Aynûr Karlikli (Dîe Lînke), endama berê ya Meclisa Şaredariya Seyhanê ya Edeneyê Leyla Ûyar, femînîst Perîhan Baçarû, aktîvîsta LGBTI+ Elefterîa Taş û akademîsyen Tûgçe Oklay û Selîm Eskiizmirli ve hat xwendin.
Her wiha hat destnîşankirin ku divê dildarên HDP’ê zêdetir tev li xebatan bibin û di nava demeke kurt de ji her kesî re were gotin ku wê HDP bi Partiya Çep a Kesk têkeve hilbijartinan. Di daxuyaniyê de hat gotin ku li derveyî welat 3 milyon hilbijêr hene û beşeke wan a zêde tev li hilbijartinê nebûne. Bang hat kirin ku tevlibûna mirovan wê gelekî girîng be.
Hat ragihandin ku bi rêya malper û hesabên medyaya dîjîtal dikarin têkiliyê bi HADÎ – Ewropayê re were danîn.
