Ji berî niha li Silêmaniyê 17 rêxistinên civaka sivîl biryar dabûn ku li dijî dagirkerî û talankariya dewleta tirk a li ser xaka başûrê Kurdistanê gilî bikin. Hejmara wan rêxistinan bû 50 û îro li Nûnertiya Neteweyên Yekbûyî (NY) ya li Silêmaniyê giliyê dagirkerî û talankariya dewleta tirk kirin.
Sekreterê Partiya Kesk a Kurdistanê Milko Bazyanî bi nûnertiya 50 rêxistinên sivîl û jîngehî gilîname pêşkeşî Komîseriya Bilind a Neteweyên Yekbûyî (NY) kir û di civîna çapemeniyê de diyar kir ku wan ev gilî kiriye, dê heta dawiye mijarê bişopînin û dest jê bernadin û wiha got: “Xwezaya Kurdistanê xeta sor e. Her alî û dewletek dest bêjitê, em ê li dijî rawest in. Ji ber ku jîngeh û xweza mafeyek giştî ye. Em dest ji vî mafê xwe bernadin.”
Her wiha Berpirsê Rêxistina Rewşenbîrî ya Nalî Hewrê Dilşad jî wiha got: “Em van binpêkirina heta dawî bişopînin. Em ê vê mijarê bigihînin Parlamentoya Iraqê û aliyên din ên peywendîdar.” SILÊMANÎ
