Navenda Nûçeyan
Li navçeya Bazîdê ya Agiriyê polîsan vê sibehê bi ser hin malan de girt û li malan lêgerîn pêk anîn. Polîsan piştî lêgerînê Endamê Meclîsa HDP’ê Talha Kaya û rêveberê HDP’a Bazîdê Ahmet Yaşmiş, nûnerê Komeleya Alîkariya Malbatên Hikumxwar û Girtiyan (TUHAY-DER) Cemîl Koç û endamê Meclîsa Şaredariya Bazîdê Rahîm Gonen jî di nav de 13 kes hatin binçavkirin.
Li navçeya Rezanê ya Amedê Mîkaîl Yaman bi hinceta ku di navbera salên 2010-2020’î de ji kekê xwe yê girtî hevserokê berê yê DBP’ê yê Erxeniyê Îbrahîm Halîl Yaman re pere şand, bi îdîaya “fînansekirina rêxistinê” hat binçavkirin.
Li navenda Şirnexê û navçeyên wê Hezex, Cizîr û Qilebanê polîsan bi ser malan de girt. Di serdegirtina malan de polîsan rêveberê HDP’ê Agît Yîgît, welatiyên bi navê Fatma Acet, Firat Akyol, Camî Bîlîk, Nîhat Kucuk, Mahsum Kuramî, Serhat Çatuk, Mustafa Dal, Omer Karavîş, Abdullah Yaman binçavkir. Sedemê binçavkirinê nehat in zanîn û tê gotin ku hejmara kesên hatine binçavkirin zêde bibin.
