Şewba vîrûsa koronayê (Covîd-19) her ku diçe li cîhanê belav dibe. Hejmara kesên bi vîrûsê ketin ber bi 3 milyonan ve diçe û zêdetirî 170 hezar kes jî heta niha bi şewbê mirine. Yek ji welatên herî zêde vîrûs lê belav bûye jî bakurê Kurdistanê û Tirkiye ye. Li welat cihê herî zêde di bin rîskê de girtîgeh in. Lê tevî vê yekê jî tevdîrên pêwîst nayên girtin. Ji ber vê xemsariya dewletê, şewb roj bi roj li girtîgehan bêhtir belav dibe.
Yek ji van girtîgehan jî Girtîgeha Buca ya Îzmîrê ye. Serdozgeriya Komarê ya Îzmîrê aşkera kir ku li girtîgehê 64 girtî bi şewba vîrûsa koronayê ketine. Li girtîgehê pişt ku di 13’ê nîsanê de testa girtiyê bi navê H.A. pozîtîf derketî, li girtîgehê xebata filyasyonê hate kirin.
Li gorî daneyên dozgeriyê, di encama xebatê de aşkera bû ku testa 64 girtiyên din ên bi H.A. re ketine nava têkiliyê pozîtîf derketiye. ÎZMÎR
