Li Girtîgeha Ûrmiyeyê ya rojhilatê Kurdistanê girtiyên jin li dijî zext û îşkeceyê 3 roj in di grevê de ne.
Li gorî agahiyan, rêveberiya girtîgehê bi zorê li jinan ferz kiriye ku tev li qûrsên îdareyê bibin.
Girtiyên jin ên ku ev zext qebûl nekirin, mafê axaftina bi telefone li wan hat qedexekirin û dema derketina hewşê jî daxistin saetekê.
Her wiha gef û kiryarên xerab jî li jinan hat kirin. Girtiyên jin jî li dijî van zext û zordariyan sê roj berê betanî şewitandin û serî hildan.
Hate ragihandin ku wezîfedarên dewleta Îranê, girtiyên ku serî hildan xistin hucreyan, îşkence li wan kirine û gef li wan xwarine.
Berxwedana jinan dewam dike. Girtiyên jin bi rêya malbatên xwe bang li raya giştî kirin.
Li rojhilatê Kurdistanê binpêkirina mafên mirovan a bi destê dewleta Îranê zêde bûye. Komeleya Mafên Mirovan a Kurdistanê di rapora meha îlonê de bal kişand ser zêdebûna bûyerên kuştinê, înfazê, xwekuştinê, îşkence û binçavkirinê. Li gorî raporê 3 girtî bi rengekî gumanbarî jiyana xwe ji dest dane, kesek hatiye înfazkirin û 8 kolber hatine kuştin, 49 jî hatine girtin. ÛRMIYE
