Çalakiya greva birçîbûnê ya dorveger û bêdem ku girtiyên PKK û PAJK’î di 27’ê Mijdara 2020’î de bo azadiya Rêberê Gelê Kurd Abdullah Ocalan dane destpêkirin di roja 131’emîn de bi biryardariyeke mezin didome.
Lê roja ku çalakiya greva birçîbûna hatiye destpêkirin, zextên li ser girtiyan ku ji xwe zêde bûn, derket asta herî jor. Hema hema her roj derbarê girtîgehan de agahiyên binpêkirinên mafan tên. Girtî radigihînin rêveberiya girtîgehê û gardiyanan zextê li wan dikin, pêdiviyên jiyanî dadin wan, her roj diavêjin ser qawişên wan û hwd.
Li gorî agahiyên dawîn li Girtîgeha Ewlekariya Bilind a Hejmara 2 a Xarpêtê, gardiyanan avêtine ser qawîş û êrîşî sê girtiyan kirine.
Girtiyan dema ku bi rêya telefonê bi malbatên xwe re axivîn, diyar kirin ku îşkence li girtiyê nexweş Mahmût Çakmak ê 60 salî kirine, lewma laşê wî şîn û reş bûye.
Girtiyan ragihandin ku gardiyan li gorî tedbîrên şewbê tevnagerin û her tim bi ser qawîşên wan de digirin.
Malbatên girtiyan jî dê serî li Komeleya Mafên Mirovan (ÎHD) bidin û alîkariya hiqûqî bixwazin. XARPÊT
