Şêwirmendê Ewlehiya Netewî yê DYA’yê John Bolton got bi îhtîmaleke zêde li pişt êrîşa li ser keştiyên li peravên Mîrektiyên Ereb yên Yekbûyî (MEY) Îran heye
Li peravên Fuceyrayê ya li têka Kendavê çalakiyeke sabotajê li ser 4 keştiyan çêbûbû ku du ji van keştiyan keştiyên petrolê yên Siûdî bûn.
Şêwirmendê Ewlehiya Netewî yê DYA’yê John Bolton ji rojnamegeran re axivî û got ku ‘bi îhtîmaleke zêde’ li pişt çalakiya sabotajê ya 12’ê gulanê Îran heye.
Bolton Sêşemê serdana Mîrektiyên Ereb yên Yekbûyî kiribû. Piştî çalakiya li ser van keştiyan rageşî zêde bûbû. Washîngtonê piştî vê çalakiyê bi gelek welatan re lêpirsînê dike.
Amerîka û hevalbendên wê yên li Kendavê ji êrîşê Îranê sûcdar dikin, hê kesî êrîşa li ser keştiyan neaniya ser xwe. Lê milîsên Hûsî yên Şiî yên Yemenê van heftiyên dawî gelek caran bi droneyan êrîş biribûn ser tesîsên Siûdî. WASHINGTON
